Gravity 引力边缘

发布日期 : 2013年 10月15日     文 : 巴斯

Gravity 引力边缘 并不是我第一志愿要看的电影，因为两位演员 Sandra Bullock 与 George Clooney 业积，

在我眼中都可以算系票房毒药，他们所主演电影，大部份都不是我个人口味，只有一两套是我喜欢。

加上以下这些剧照，使我觉得好难拍得好的内容，

迷失在太空啊，迷失荒岛就话有猛兽毒蛇.........就算系海洋都可以大把野跳出来拍摄吧，

但太空啊~~~唔够氧气啊~~~无可能漂浮到散场挂，

而且呢套戏唔会有外星人出现的，集合以上两大缺点，我无可能会入场啰。

世事就系咁，当我都以为自己唔会睇呢套戏的时候，朋友来电，说帮我买了当晚戏票，

咁都得? 我一定有空去? 我一定喜欢看? 

好抗拒呢套电影，幸好唔系3D版，否则我一定死比佢睇。

唔知系唔系一早作最坏打算，睇落唔系我想像中咁差，系就系小不免有一点点闷场，但需知道片长 1小时31分钟啊，

又唔系有外星人，点可能有咁多高潮位出现? 所以有小小闷场系无任何问题的。

何况好快又回到有可观性的内容出现了。

编剧兼导演 Alfonso Cuarón 好叻仔，片长 1小时31分钟，如果用回忆手法讲返主角过去来摄时间，咁就低手喇，

佢无咁做到，1小时31分钟全数在太空发生，就算电影由头一秒开始起计，就在太空发生，唔会搞一大轮人物介绍先讲升空。

而且电影开始后不久，灾难就发生，绝唔系骗时间的作品。

睇返导演 Alfonso Cuarón 业积又唔系咁好，但呢套电影唔错。

话就话呢套电影系 George Clooney 主演，

但佢好早就死了，主角其实得一位。

1964年出生 ( 49岁 ) 的 Sandra Bullock ，2013年仲可以用到大量大持写镜头，真系好叻女架喇。 

虽然唔可以叫美女，但感觉舒服的样子啊。

呢套戏在外间评价非常之高，对我来讲，虽然未算精彩，但确实是值得一看的电影。

单看如何用1小时31分钟演绎，讲一个人在太空，而唔会使观众闷就非常之困难了。

最起码和朋友有共同话题嘛~~

中国掘起，近年荷里活电影里，总是会提到中国，

这套电影里，救了女主角一命，也是和中国有着极大关系。

成龙睇到唔知会有什么感想呢?  ^^

系人都猜到拍摄呢套电影一定系用厂景啦，唔通真系飞去太空拍咩，

做假对美国电影业来讲无难度，太阳光线无论逆光又好，正光都好，所有景物都好靓。

太空，那个空间感，屋企部电视或投忍鸡都无可能与电影院屏幕相比。

要感受太空效果，我猜IMAX一定系首选吧，虽然呢套电影并非真 3D，但 iSQUARE 所提供的是 IMAX 3D版本。

不过话得说回来，我睇2D版本，初头剧情画面360度系咁转，转了好一段时间，我都觉得晕，

如果睇3D版的话，一向睇3D唔会晕的朋友小心坐你后面的人呕到你成头都系 ^^ 

虽然我唔觉得呢套电影好精彩，但他日推出光碟的话，我会用家中器材多睇一次。

如对呢套电影有一定程度幻想，可以先看看预告片再作打算。

  Video 

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。