|
Gravity 引力邊緣 發佈日期 : 2013年 10月15日 文 : 巴斯
Gravity 引力邊緣 並不是我第一志願要看的電影，因為兩位演員 Sandra Bullock 與 George Clooney 業積， 在我眼中都可以算係票房毒藥，他們所主演電影，大部份都不是我個人口味，只有一兩套是我喜歡。 加上以下這些劇照，使我覺得好難拍得好的內容， 迷失在太空啊，迷失荒島就話有猛獸毒蛇.........就算係海洋都可以大把野跳出來拍攝吧， 但太空啊~~~唔夠氧氣啊~~~無可能漂浮到散場掛， 而且呢套戲唔會有外星人出現的，集合以上兩大缺點，我無可能會入場囉。
世事就係咁，當我都以為自己唔會睇呢套戲的時候，朋友來電，說幫我買了當晚戲票， 咁都得? 我一定有空去? 我一定喜歡看? 好抗拒呢套電影，幸好唔係3D版，否則我一定死比佢睇。 唔知係唔係一早作最壞打算，睇落唔係我想像中咁差，係就係小不免有一點點悶場，但需知道片長 1小時31分鐘啊， 又唔係有外星人，點可能有咁多高潮位出現? 所以有小小悶場係無任何問題的。 何況好快又回到有可觀性的內容出現了。
編劇兼導演 Alfonso Cuarón 好叻仔，片長 1小時31分鐘，如果用回憶手法講返主角過去來攝時間，咁就低手喇， 佢無咁做到，1小時31分鐘全數在太空發生，就算電影由頭一秒開始起計，就在太空發生，唔會搞一大輪人物介紹先講升空。 而且電影開始後不久，災難就發生，絕唔係騙時間的作品。 睇返導演 Alfonso Cuarón 業積又唔係咁好，但呢套電影唔錯。
話就話呢套電影係 George Clooney 主演， 但佢好早就死了，主角其實得一位。
1964年出生 ( 49歲 ) 的 Sandra Bullock ，2013年仲可以用到大量大持寫鏡頭，真係好叻女架喇。 雖然唔可以叫美女，但感覺舒服的樣子啊。
呢套戲在外間評價非常之高，對我來講，雖然未算精彩，但確實是值得一看的電影。 單看如何用1小時31分鐘演繹，講一個人在太空，而唔會使觀眾悶就非常之困難了。 最起碼和朋友有共同話題嘛~~
中國掘起，近年荷里活電影裡，總是會提到中國， 這套電影裡，救了女主角一命，也是和中國有著極大關係。 成龍睇到唔知會有什麼感想呢? ^^
係人都猜到拍攝呢套電影一定係用廠景啦，唔通真係飛去太空拍咩， 做假對美國電影業來講無難度，太陽光線無論逆光又好，正光都好，所有景物都好靚。
太空，那個空間感，屋企部電視或投忍雞都無可能與電影院屏幕相比。 要感受太空效果，我猜IMAX一定係首選吧，雖然呢套電影並非真 3D，但 iSQUARE 所提供的是 IMAX 3D版本。 3D 我就無福消受了................
不過話得說回來，我睇2D版本，初頭劇情畫面360度係咁轉，轉了好一段時間，我都覺得暈， 如果睇3D版的話，一向睇3D唔會暈的朋友小心坐你後面的人嘔到你成頭都係 ^^ 雖然我唔覺得呢套電影好精彩，但他日推出光碟的話，我會用家中器材多睇一次。
如對呢套電影有一定程度幻想，可以先看看預告片再作打算。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
