|
旅行必备 Wi Fi BB 发布日期 : 2014年 3 月25日 图 / 文 : 巴斯
在日本旅行，虽然有不少方式流动上网，但最好用要算是流动 Router， 在市面上众多流动 Router 租用店铺当中，我个人喜好是 WiFi BB ， 她提供的 3G/4G佢自己跳，4G优先，有40Mbps下载 及15Mbps上载速度，最多可同时分享比五部机用(常识地拖慢网速)。 在日本市区或铁路上用来找地图，Facebook，Whatsapp ，Line.....无难度，而且系无限数据，任用到无电为止。 尤其地图，真系救过我唔知几多次了。
唔需要换 sim card搞架手机，系我第一志愿 ,香港机场交收，上机前取机，返港后在机场还机， 这机唯一缺点，日租$90 ; 呢个世界，平野冇好，好野唔平，越平越唔好，越好越唔平， 租贵但解决到我要的，今后都会用佢。
千万唔好叫我光顾那些乜卡物卡，我只想上网遮，做乜搅我部手机，仲要拆张 Sim卡出来 ? 万一千颂伊又或者奥巴马打长途电话比我咁点算? 再者 Whatsapp， Line ........又搞过吗 ? 用 WiFi BB的话就唔同喇，部手机见到用 BB 提供的 Wi-Fi来上网，就系咁简单，完全无需要搞部手机。 另外有D牌子的卡，无错系在日本上到网，但上唔到 Facebook 呢，今时今日，上唔到 Facebook同上唔到网有什么分别呀， 系咪痴线架，咁样的服务都卖得比人。 死点又多，成日都上唔到，指意佢救命就惨喇。
其实我应该好似王维基咁Book架开顶巴士来验证一下上网速度，但因为经费不足，只好在行走中的成田特快内测试啦。^^
好处 无需专登去门市订机，透过网上 24小时预约订机就可以了。 无论系取机，或是还机，都在香港机场里交收，非常方便。 如早机出发朋友，工作人员更会安排早上7:30在 C区 为一早成功订机的朋友交收，咁当然要在收到确认电邮后，预先通知工作人员安排啦。
缺点 任何事物都有优点和缺点，Wi-Fi BB都唔例外 ，一定要用信用卡即时过户， 无信用卡免问，不收现金。 另外除租金外，还要 $1000做按金，日后还机后，无穿无事就退返按金。 相比起那些乜卡物卡，WiFi BB 收费贵，虽然 4G数据无限任用，但每日租金是 $90港元，假设 7日行程，租金是 $630。 如果预早30日预订，会有八折，平小小啰，都够笃串鱼蛋架。
由于Wi-Fi BB最多可分享给五部机用，如果五人同行的话，就可摊分租金，无咁肉痛但缺点是常识地拖慢网速。 万一各位分开行街街，咪有人无得用啰，咁就系喇~~~
呢个就系 Wi-Fi BB 样子喇，体积细小， 非常方便放在袋里发出 Wi-Fi 讯号。
机背有一组密码，用家自己入落去手机作第一次配对就可以。 不过呢组密码好鬼长，又数字又英文咁，唔知以为系核弹发射密码添，呀老细，唔需要咁长架下化~~~~~
Tiffie 到步后，在月台等和谐号............ Sorry ~~~Sorry，口快快讲错讲错添，^^ 在月台等成田特快时，用Whatsapp和妈妈报平安，非常方便。
日本的冬季，下午四点就天黑，所以拍摄时窗外都是黑黑的， 在影片里没法表达到 NEX 飞驰中依然可以看到动新闻的表达方式。
在片段里，清楚看到，Line 也是即时收到， 咁 Wi-Fi BB当然唔会完全无盲点啦，就算香港都唔会100%唔断线吧。 但大部份时间都无问题呢。
到达新宿酒店 Check In 完，就来食期待的拉面了。 影美食相片贴到Facebook，唔系靠 WiFi BB ，唔通靠唔知边度先有得施舍出来的免费 Wi-Fi 热点咩? 就地正法用 WiFi BB 啦，开心死。
地图全靠佢救命~~~~
呢个就系 Wi-Fi BB 的套装喇，上机前工作人员就系成袋咁样交比客人架喇，入面就系呢三样野。
在酒店充电就系靠佢地架喇~~~~~
识得用一定跟尿袋用 她靠自己体内电池可用 6小时，只要尿袋跟身，就算外出也可冇间断上网。 虽然佢去了一日街，但返到酒店都一样可以边充边用，万一碰上咁唔好彩酒店无 Wi-Fi 上网提供，都可以 24小时靠晒佢室内室外上网。 今次 7日旅程，我刻意唔关机，无电就驳尿袋，返到酒店就落返插头边充边用，完全无任问题出现。
想进一步了解，可到以下官方网址参观一下。
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
Video 
