|
旅行必備 Wi Fi BB 發佈日期 : 2014年 3 月25日 圖 / 文 : 巴斯
在日本旅行，雖然有不少方式流動上網，但最好用要算是流動 Router， 在市面上眾多流動 Router 租用店鋪當中，我個人喜好是 WiFi BB ， 她提供的 3G/4G佢自己跳，4G優先，有40Mbps下載 及15Mbps上載速度，最多可同時分享比五部機用(常識地拖慢網速)。 在日本市區或鐵路上用來找地圖，Facebook，Whatsapp ，Line.....無難度，而且係無限數據，任用到無電為止。 尤其地圖，真係救過我唔知幾多次了。
唔需要換 sim card搞架手機，係我第一志願 ,香港機場交收，上機前取機，返港後在機場還機， 這機唯一缺點，日租$90 ; 呢個世界，平野冇好，好野唔平，越平越唔好，越好越唔平， 租貴但解決到我要的，今後都會用佢。
千萬唔好叫我光顧那些乜卡物卡，我只想上網遮，做乜攪我部手機，仲要拆張 Sim卡出來 ? 萬一千頌伊又或者奧巴馬打長途電話比我咁點算? 再者 Whatsapp， Line ........又搞過嗎 ? 用 WiFi BB的話就唔同喇，部手機見到用 BB 提供的 Wi-Fi來上網，就係咁簡單，完全無需要搞部手機。 另外有D牌子的卡，無錯係在日本上到網，但上唔到 Facebook 呢，今時今日，上唔到 Facebook同上唔到網有什麼分別呀， 係咪痴線架，咁樣的服務都賣得比人。 死點又多，成日都上唔到，指意佢救命就慘喇。
其實我應該好似王維基咁Book架開頂巴士來驗証一下上網速度，但因為經費不足，只好在行走中的成田特快內測試啦。^^
好處 無需專登去門市訂機，透過網上 24小時預約訂機就可以了。 無論係取機，或是還機，都在香港機場裡交收，非常方便。 如早機出發朋友，工作人員更會安排早上7:30在 C區 為一早成功訂機的朋友交收，咁當然要在收到確認電郵後，預先通知工作人員安排啦。
缺點 任何事物都有優點和缺點，Wi-Fi BB都唔例外 ，一定要用信用卡即時過戶， 無信用卡免問，不收現金。 另外除租金外，還要 $1000做按金，日後還機後，無穿無事就退返按金。 相比起那些乜卡物卡，WiFi BB 收費貴，雖然 4G數據無限任用，但每日租金是 $90港元，假設 7日行程，租金是 $630。 如果預早30日預訂，會有八折，平小小囉，都夠篤串魚蛋架。
由於Wi-Fi BB最多可分享給五部機用，如果五人同行的話，就可攤分租金，無咁肉痛但缺點是常識地拖慢網速。 萬一各位分開行街街，咪有人無得用囉，咁就係喇~~~
呢個就係 Wi-Fi BB 樣子喇，體積細小， 非常方便放在袋裡發出 Wi-Fi 訊號。
機背有一組密碼，用家自己入落去手機作第一次配對就可以。 不過呢組密碼好鬼長，又數字又英文咁，唔知以為係核彈發射密碼添，呀老細，唔需要咁長架下化~~~~~
Tiffie 到步後，在月台等和諧號............ Sorry ~~~Sorry，口快快講錯講錯添，^^ 在月台等成田特快時，用Whatsapp和媽媽報平安，非常方便。
日本的冬季，下午四點就天黑，所以拍攝時窗外都是黑黑的， 在影片裡沒法表達到 NEX 飛馳中依然可以看到動新聞的表達方式。
在片段裡，清楚看到，Line 也是即時收到， 咁 Wi-Fi BB當然唔會完全無盲點啦，就算香港都唔會100%唔斷線吧。 但大部份時間都無問題呢。
到達新宿酒店 Check In 完，就來食期待的拉麵了。 影美食相片貼到Facebook，唔係靠 WiFi BB ，唔通靠唔知邊度先有得施捨出來的免費 Wi-Fi 熱點咩? 就地正法用 WiFi BB 啦，開心死。
地圖全靠佢救命~~~~
呢個就係 Wi-Fi BB 的套裝喇，上機前工作人員就係成袋咁樣交比客人架喇，入面就係呢三樣野。
在酒店充電就係靠佢地架喇~~~~~
識得用一定跟尿袋用 她靠自己體內電池可用 6小時，只要尿袋跟身，就算外出也可冇間斷上網。 雖然佢去了一日街，但返到酒店都一樣可以邊充邊用，萬一碰上咁唔好彩酒店無 Wi-Fi 上網提供，都可以 24小時靠晒佢室內室外上網。 今次 7日旅程，我刻意唔關機，無電就駁尿袋，返到酒店就落返插頭邊充邊用，完全無任問題出現。
想進一步了解，可到以下官方網址參觀一下。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
