|
大开眼界 发布日期 : 2014年 8 月25日 图 / 文 : 巴斯
今日经过商场，见到韩国男子组合搞活动，本来与我无关， 但围观的女生们手上器材，使我很感意外。
哗~~~原来依家D妹妹仔追星， 再唔系两手空空出席，或者只系举牌咁简单，一个二个有备而来，非常 Pro。 你睇~~十大武器之首，摺凳，昔日系被称为龙友的人手上先会找到，估唔到今日妹妹仔都有啊。
现场唔只一边有，另一边同样有啊~~~~
我仲以为她们只系停留在手机拍摄年代，结果系我 out 啰。
见到小白吗 ? 一个半个唔作准 ?
咁呢位妹妹仔呢?
佢呢~~~佢又点呀 留意她们用来接上长炮镜的Canon机身，由外观看到有内置跳灯 ，代表唔系 Full Frame 机， 200mm镜头 Zoom尽系乘多 1.6 ，即系 320 mm 成像，仲拉唔到佢埋来? 影呢类野，一寸长一寸强，绝对系军备竞赛，枝野用来打雀，现在用来影舞台系零难度吧， 有D野真系用钱来解决的。
小姐，镜头唔够长就换枝长镜嘛~~~ 咁样好危险的。
70- 210 mm 镜头，呢D场合，用 Full Frame 机就死得啦， 女生真系无咁笨。
睇唔清楚? 咁 Crop 比你睇喇。
你睇几多长镜头，唔 Zoom 点影到呢~~~ 以前女生靠男摄影师帮佢地影靓相，自从有部叫什么自拍神器的相机出现左之后，女生要影靓相仲洗鬼靠男生咩， 相反地见到单反机仲即闪添，果D单反解像度咁高，低能仔仲话边枝镜Sharp，越 Sharp 越赶客啦傻仔，靓都比佢影到丑啦。
可换镜头相机加天涯镜，可以买好多靓衫架喇，但都投资买相机， 仲有闪灯添，虽然射唔到咁远。但平日都用得着嘛。
今日女生追星，个个都识得用 Zoom 镜头架喇， 正所谓求人不如求己，唔通仲去信和买相咩。
反Mon仲可调角度，尸伏又方便。
黑卡都出埋 ? 影烟花吗? 唔系，佢原意想又举机又举牌吧， 但佢无想过咁会阻住 Zoom，最后要朋友帮手，正所谓一个揸笔一个揿纸，喂边个负责磨墨呀~~~~~
楼上二楼更加要靠长镜头。
呢部几似 Sony RX10，差点认错呢。
现在女生进化到连影明星都用自己相机， 再唔系 M Club 的年代了。
系咪每一个女生都有长程大炮呢? 答案唔系啰，但睇得出尽晒力。
一寸长一寸强丫嘛，收到。
呢位先生，你唔系化? 打紧仗啊，你只系用把小李飞刀? 咁都得呀? 不过点都好过我，我身上只有 LG G3手机可以用来影相， 以上的相都只能用佢影，除了呢张，其他都只系缩细，相都唔执直出算，依家D男人真系无鬼用架~~~~
其实........男生仲有小小用的，就系用来买自拍神器比女生啰， 我见咁多个(女神)所用的自拍神器，都系男生送的，自己买唔型啰。^^ 180 度可旋转镜头多种美颜效果，都是 Sony香水瓶“自拍神器”的强项， 9 月底正式上市， 22日在中国正式发表左喇，各位兄弟，准备好买比女生未呀， 部机 8万 7000日元，即大约 $6471港元。 第一时间买呀，否则比人买左先就惨喇，呢款型号叫 DSC-KW1，咪买错。
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
