|
跨境王
跨境王呢个大名就听得多，但一直都无用过，唔知系咪传说中咁利害呢? 呢日出发国内前，购入一试系咪咁开心先，但系......120元咁贵。 我唔系长途旅痕，只系短聚， $120用一两日就真系贵了少少。 又到贱格万用金句出场时间了 : 唔系有钱买手机，无钱上网下化? 这个........
边度有得买? 以下呢度咪有啰。
但又唔系要指定上述的地方先有得卖，拿来到呢度...........前面那张咪就系传说中的 跨境王 啰，点解会系 $68 的呢? 啊~~~$68又唔同咁讲法喇，平接近一半喎，半价喎~~~~~~ 老板，请问呢张系咪传说中好受欢迎的那一张 跨境王 呢? 老板当然话系啦，唔通会话系假 Card 咩低能仔?
老板，我就要一张丫，我真系比了 $68港币老板，唔系收 $68人民币或者美金，无取巧喎。 我就系在鸭寮街图中呢间铺面用黄底黑字电话号码招客的摊档购买。 图中所见红格代表人所共知的鸭寮街公厕位置，咁依家知呢个摊档正确位置啦。
全港最平? 听师兄讲，外间最平见过 $64 都可以买到，且~~~~咁封面印的那个 $120 咪即系明存实亡? 咁边个会用正价买呢张 Card 呢? 嘿~~~~话口未完，刚刚在呢个拍卖网掘到 $61有交易添，加埋 $2平邮，都仲平过我在鸭寮街买。 https://hk.f1.page.auctions.yahoo.com/hk/auction/1139297913
开箱图 买了回来当然又系影下开箱图吧，透过手机比例可大约猜想到实物大小。
比钱前，紧记睇清楚图中所见背面最顶位置有效日期，买了过期卡就无仇报了。 就以呢张为例，有效日期去到 2015年 6月30日，咁就无问题啦。
打开内里系咁样，内里有非常清楚的使用说明。
张 SIM Card就系存放在这个位置上，而且仲系好抢眼的红色。
可上 Facebook 咳咳...........今时今日，如果单靠张 Card 比你先上到 Facebook ，咁就乞米啦，噢....... Sorry，应该系米都无得乞， 智能手机可以在国内上到 Facebook 都叫强项? 各街坊一个二个笃下个 Screen 就翻墙啦， 不过佢地话系卖点咪卖点啰，但系官方无讲过喎。 虽然有说明书教埋首次设定，但都惊大家开心过头，把说明书弃于垃圾桶 ，在 Card 上依然印上首次设定程序。
一卡两号 背面右下角就贴晒两个电话号码出来，方便用家知道。 上面印香港号码，下面印国内号码。
Wi-Fi Share 上网遮，做乜搞部手机张 Sim Card呀，换来换去，搞两搞跌埋就真系开心死喇，手机 Wi-Fi 上网干手净脚。 如果同行的朋友无得上网，咁我可以好豪咁
Share埋比佢，你话几型呢。^^ 咁就要睇下老板是否免费出手剪卡喇喂，帮你剪系人情，唔帮也是道理，系咁多。
$66 储值额 开通后乜都唔搞，上网费就 $2 / MB，一直用到无晒钱为止。 如果想以通行证方式咁用，就要再按多几个设定申请，选边个 Pass 视乎个人需要。
首次开通张 Card 的方法好简单，就系求其打出一个电话号码就代表开通了张 Card， 当然呢个开通动作系在香港范围内做啦。
测速 其实测乜鬼野速丫~~~~~要用的时候，可以贴到几张相出去咪算啰，唔通长期睇高清片唔窒先用得吗?
在深圳地铁龙华线与罗宝线内，亲身体验到这是中国联通的 3G 网络，呢张 跨境王 容许 Share Wi Fi 比其他装置， 图中所见，系 Samsung Galaxy Tab S 8.4平版电脑用紧中国联通 跨境王， Share Wi Fi 比部 LG G3 所用的实况。 地铁行走中，想点。
初步评价
如改在地上传图片，问题唔大，我唔介意只系行 3G，总之每次贴到几张图片去 Facebook，Whatsapp ，LINE.........就可以了。 今日上网时间唔多，因为有其他事做，只系在地铁范围使用过就算，唔通成日摸住部机上网咩，地铁断过两三次线唔作得准，下次在地面试真D再作评价。 地铁经过华强路站断线中.........
$68 ，又有得打电话，又有得上网。 初步感觉不过不失啦，我唔会觉得佢系最好的一张Card吧，好过无得上网的， 要再多用一点时间去不同地方试下先知，否则唔系好公平，不过唔系成日返大陆，有咪用，无咪算啰。 待续.............
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
