SONY RX10 入厂了

发布日期 : 2015年10月20日 图 / 文 : 巴斯

真系黑，唔系哂黑，轮街症当中，下一个到我，希望唔需要留医啦。

发生乜野事? 咪就系用了接近两年的 Sony RX10  出事啰，乜野问题? 自己睇喇。

唉........... RX10 唔属于可换镜相机，咁都可以入到尘，真系黑仔到呢..........我乱咁估系枝镜可以 Zoom的关系，或多或小都有机会把尘送入机体内.......挂。

由于蜜月期已过.......Sorry，Sorry，应该系保养期已过，所以未见官先打$180  。

单镜机就话吐D口水落去 CMOS，用牙刷刷两下就搞惦遮，RX10 唔拆机点搞呀，咁大镬，仲想即时取走呀? 立即办住院手续啦。

美貌与智慧并重，美得有点像新坦结衣的那位接待员，详尽解释检查费是会在修理费内扣除，初步推测总收费是 $300 ，但要约一个星期后由维修师傅报价作实，

她仲叫我在纸上签名，其实我都唔知自己签左乜，只系想签文件时间过得慢D啰，必要时我仲可以同佢分享下我同 RX10 之间的心路历程......。

呢段期间唯有暂时靠 Panasonic GM5 配 7-14mm / F4 镜头吧，不过我想讲个故事给 RX10 与 GM5 知，当日李连英点解病到死死下都唔够胆向老佛爷请假，就系怕万一有人替佢更，

而呢个人服侍得老佛爷前所未有咁开心，李连英就会失宠，咁就大近视了..........

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。